CS-Manual-in-Kokborok-Indigenous-Language-Bangladesh
. Niniorotongnaikwbangmaproductionrokbaibo nwng imwno baklaimano. Manual slamwi paikhlai phaitokjaknai,nangnai jaiti sirotai rokbai baksa imoni portal link rokno chwng nokbai baklaino.F Chaya kok tasadi. In virus ujinai jegani mwngtwi kwbangma media pwilao
Kokborok
Covid-19 Prevention Manual for Community Radio Stations | Cultural Survival
Not Your Device? Search For Manuals or Datasheets below:
File Info : application/pdf, 10 Pages, 5.30MB
Document DEVICE REPORTCS-Manual-in-Kokborok-Indigenous-Language-BangladeshCOVID-19 bai swkangni jora gotheoi hamya sloyatwi khlawi samwng tangni adibasi community redu station rokni bagwi krwngsa Manual Cultural Survival KOBOROK Adibasi bosongrok COVID-19 twi jaiti krwngsa kirimaswngsa kwtal challenge bai tabok swkang bai swkang makhlaidok. Cultural survival imotwi chaya jorao adibasi bosongni borokrok gam khlaioi tongmanaitoi, gothelaioi tongnaitoini bagwi community redu station rokni networkno chubanai samwng tangdok. Community redu adibasi borokrokni bagwi krwngsa kwbang nangnai madwi, jeboni bisingtwi bokni haitwi bok tonglainai manthai, bokni kha ni kokno khaphurwi samanai manthai, bokni bosongno lagwi, bosongni bagwi nangnai, choknai jaiti sinani nangnai madwi rokbai bokni bai bok kwrwnglaimanai manthai rokno bok akyang khlaimanai. Chwng sio- Simwng se phran, arw redu ni bisingtwi bosongni borokrok hamwng sinia sioi kwbang phran mao. Galina Angarova Executive Director Chorokni Khlaitai COVID-19 no sinirwmanaitwi arw imobai swkang bai swkang ongmanaitwi adivasi kwrwngrwnai tangsong rokni bagwi slamjak krwngsa chubanai madwino bokni daio kwlai khlaini bagwi in manual slamjakkha. Khwnanai Reduni tangsong, adibasi kokthumnairok, saikhwnarwnai rok bai hayung hudani kwrwngrwnairok COVID-19 ni jorao wanamakrwi khlaioi samwng tanglaimanaitwi in manual ongkha de krwngsa tanglam. COVID-19 bai swkangni jora gotheoi hamya sloyatwi khlawi samwng tangni adibasi community redu station rokni bagwi krwngsa Manual Borokrok tabok je Covid-19 virus bai takjaklaidok, obono tabokbo sakmang sikrwngrok gam khlaioi sinioi lamiyakho. In virus hayung kwplwng lwngmani bisingtwi hayungni kwbangma borokni langmano chaya khlaika arw hayungo rangkho pwisani ra klairwkha. In jora daio phaioi chwng adibasirokni phran bai kebelmwngno sinioi lamankha. Bokni kebelmwng ongkha, bok tabokbo hamya chaya ongkhlai sakmang manaijakya , bithi, twi manthwgya arw in hamyano adibasirokni kokbai bokni hukumuni bisingtwi sinirwmanai madwibo krwikho. Phran ongkha de, Adibasi bosongni gam sudam, chanai akyang, okra rwkni daini pri prini marwknai bithi, arw buthup khlaioi, baksa khlaioi tonglaimwng. Tabokni jorao adibasi media kwbangna nangnai samwng tangdok. Imwtwi hayung kwplwng chaya jorao kwbwini nangnai madwi rokbai se kwrwnglaithai arw sirwni nangnai kokrokno adibasi kokbai gam khlaioi masirwnai. Reduni arw adibasi krwngrwnai rokni wanama krwi khlioi samwng tangni nangsoknai kok rokno goseoi Cultural Survival in manual daio thumka. In manual baknwi bakjakjak. Pwilani bwkhak ongkha de reduni logisong, tangsong arw COVID-19 manjakyatwi khlaioi tongni bokni khlaitai rokno lagwi. Arw krwngsa ongkha de adivasi bosongni nangnai, paitokjaknai arw daijyo sirwthai tanglam rokno lagwi content slamtai. Bwkhak I Reduni Tangsong bai Chubanairok Reduni logisong-tangsongrok tama khlaitai? Gam Tongthai Swkang. · Reduni tangsongrokno gam larwkni bagwi pwila plan slamtai. World Health Organization-WHO, sorkar, sakmang gamni lamphununai motha arw sakmang gam larwgni bagwi jani ja Hani saoi rwjak raida rokno thumwi kaisa bodol hai ongwi in plan no slamtai nango. · Nwng tongnai Hao twma khlaimanthai arw twma khlaimanglak oborokno communication media ni kaisa ongwi gam khlaioi sioi malano. Studio ni bising phatar jero tongnlang phwng nini permit no udongo malano. · Jotoni slai osohai chaya obosthao tongnai rokno kendro khlaioi samwngno yago ladi. Samwng tangnai buthup o borok okra kwbang tongkhlai, arayaphabo o bisingni kaisaswk hamya chayao takjakjak tongkhlai, bok je samwngno gam khlaioi tangman, o samwngno bokno rwthai nango. · Kirima-sincha mandwi rokno gam khlaioi wansogoi naidi. Nok jephuo parao thangno, aiphuo parani okra chakra aro o zilani sthanio kortripokkho rok je je raidano ma-palaino hinwi yago lajak oborokno maneoi choledi. Emo puila pangni nokni gam tongnai raida. · Samwng tangnai jegano rangsa klai rangsa hutrudi. Opis o, sompadokio opis o, aro recording khlainai khor-no 70% clorine ongyakhle yung-kuk buthalnai bwtwi bai hutruwi kwchwng khlaidi. · Microphone diao nobar hapmiya jaiti ri (windbreaker) ayakhlai khul (sponge) rwdi, araiyakhlai o microphone bai hamya chaya slomao. Panda paikhlai, o microphone hutrunai ri-no ma-swlaio. Khlaithai samwng rokno yachagwi ladi. · Interview paikhlai mandwi khundwi rokno jibanu mukto khlaidi. Ethyl alcohol (chuak jatio twi) bai misijak ri kangsa lagwi ma-hutruno. Chlorine bai ta-hutrudi, twmani hinba omobai hutrukhlai mandwi khundwi rok piyakgo. Nok ethyl alcohol nw bithi phalnai dokanni paimanno. · Redu o borok kainwi ni binika ta-twbwidi. Yokya kokya-ni kwbang ma-twbwithai klaikhlaibo kaisa bai kaisa kwchal achwknai raidano gam khlaioi ma-palaino aro mwkhango ronai mask ma-rono. · Recording khlainai khor o thangni yoknaitwi, kothe lama hisebe, streaming bai panda jugaldi. Recording khlainai khor ni dayitto o tongnai boroksa bai somonnoy khlaidi. Telephone bai khlaimani slai, emobai khlaiklai khorang gam ongo. Arai khlaioi (streaming bai) panda khlaini bagwi nangnai mandwi khundwi rok kwrwi hinklai, telephone bai fa bo khlaidi, aro kurungsa kothe lama hisebe. Aro ongkha in www.giss.tv daiobo imono mano. Nwng tongnai Hao twma khlaimanthai arw twma khlaimanglak oborokno communication media ni kaisa ongwi gam khlaioi sioi malano. Studio ni bising phatar jero tongnlang phwng nini permit no udongo malano. Bwkhak II Content juganai Idaio chwng adibasi hudani krwngrwnairok report khaiphuni sioi nuoi arw krimaswngsa ongyatwini report khaimanaitwi hinwi COVID-19 hamya krakno lagwi World Health Organization bai specialized portal rok rwnai raida rokno thumjak. F Infodemic bai misa khobor rokno ma khakno. Infodemic arw misa khobor rokni langcha matongno. World Health Organization kothe kothe media bai platform rokni sabrajaknai misa khobor, chaya khobor rokno sinirwni bagwi "infodemic" termno karekha. Misa khobor, chaya khobor rok borokni bwkhao chaya wansokma tisao, gam khlaioi tongmaya chamia khlaio. Oboni bagwi sikrinai, bwkhao krima habronai jati title rokno rwthaiya. F Hamyano lagwi mannai official bai scientific data rok arw World Health Organization ni sanai kok no se khwnadi. Bwkha larwgdi nwng imwno lagwi krwng borok ya ba scientist bo ya, oboni bagwi borokni sakmang sikrwng, epidemiologis, nurse, vaccine slamnai rok arw geneticist rok se in hamya no lagwi borokno gam khlaioi samanai. F Pri prini trowjak adibasi bithirok bai akyang rokno makhlaino. Chwng sio brai khlaioi chini chamwng nwngwng hukumuni bisingtwi, chini parni bithi rokni bisingtwi hamya chayano theoi sakmang no kwrak larwgthai. Hamya chaya slamnai krwng, bithi wathi mannai ochai, bwido rokhai borokno kok swngwi malano. F Nangnai jaiti sirothai rokno nini bosongni kokbai tei nini ha ni joto borok bijinai kokbai sirwdi, sirwthairok chownai jaiti ongkhlai arw sakni kokbai ongkhlai borokrok betha khlaioi bijinai, nini bosongni bagwi kaisa paitokjaknai jaiti wangsokphan ongndi. Tangsong bisingo adibasi kok samannai kaisa krwi khai kok manai naioi borok rutuwi ladi. Nini oro tongnai kwbangma production rokbaibo nwng imwno baklaimano. Manual slamwi paikhlai phaitokjaknai, nangnai jaiti sirotai rokbai baksa imoni portal link rokno chwng nokbai baklaino. F Chaya kok tasadi. In virus ujinai jegani mwngtwi kwbangma media pwilao imwno 'Chinese virus' hinwi ringkha, jebwni bagwi hayung godao Asiani borokrok naislijakjak. Chini amchai rogo bo chwng obono kosol hai nuo, imwtwi naislimwng, kungslemwng, khaklaimwng hai nungjakya jaiti madwirok se chini ha sejak, makhaljak takhuk rokni bagwi hao philwi phaini kwbang kirima. Othani chwng kaisani bosongni gam-hamyani kok, chanai raida, achainai jwga, bwsakni hamya chaya lagwi mwngsaswk saphuni naiwi nuwi satai. F Ha sejak, rwkjagwi makhaljak, hamya slojak arw bokni nokni borokrok, COVID-19 ni in jorao sakgam tongnai borokrok bu-tok khaijakyatwi, hinjakyatwi borokni manthairokno sirwni bagwi campaign makhaino. Nangsukphuni kwrwngmanai jaiti krwngsa phan rwdi. (manthai kebeng rwnaino lagwi redu daio kok sanani jaga tongo) Bwkha larwkdi, redu ongkha de kebel jaiti borok bai sinimari gwnang borok rokno chanai rwnaini nangmani kokno borokno sirwnai krwngsa yakhwlwi. Hamya slowatwi tongni khlai kwbang kwbang machanainai. F Bwidyosaniemangomanaibithichakhlai klum-kwsa hamo obo hai yaphangbuchuk krwi kokrokno ta paitokdi, obo rokni langcha tongdi. Emango majak bithi chakhlai kulum-kwsa khamka hamo hinwi kaisaswk saka hinklai sangbadikrok, kok krwngrwnairok obono lagwi kok matisano, chini yago tongnai pri prini marwknai sinijak chanaijak bithi bai omo hai emango manai, amok khlainai jaiti bithi rokno kothe makhlaino. F Borokno borom rwnai raida bisintwi report khlaidi. Kaisaswkni oro COVID-19 ni sinimari tongo hinwi siklai ayaphabo imo ongwi thwikaphwk hinwi khwnaklai, bok bai salaioi, borom rwoi bokni koreo bwchadi hinwi chwng hayogo. Bokni biswk koreo thangtai obonobo masino. Bokni jwgao sakno wansokdi. F Chini daio tongnai informationrokno phatarni borokno sirodi. Tabokni jorao Bosong, amchai arw hoda daio lajakjak samwng rokbai kwrwngdi, bw samwngrok mwthakjakkha arw bwko bwko tabok khlaimanglak oboroknobo masano. Bwkha larwkdi, redu ongkha de kebel jaiti borok bai sinimari gwnang borok rokno chanai rwnaini (test) nangmani kokno borokno sirwnai krwngsa yakhwlwi. Hamya slowyatwi tongni khlai kwbang kwbang test khlaitai. Bosongni gam sudamno chasarwmwng F Chwkjagwi tongnai jorao baksa tongnani, nokni samwng rokno baklaioi khainani kokrokno kwbang bwkhao matongnai. Imotwi krimasongsa jorao bakhani kirimano changronai jaiti kokrok, samwngrok se masalainai, matanglainai. F Srwngnok khajakjak thani arw phrwngnai samwng ongyani bagwi sikla-chakli arw cherok rokni kha chaya ongyatwi bokno phrwngni bagwi redu daio kwtal samwng lani machaitainai. F Redu khwnawi chakli-cherokrokno srwngdi hinwi phrwngnai krwng borokrokno rwoi masarwnai. F Krwngsa krwngnwi jegani thang-phai khlaimayatwi khaoi rwjak raida rokno tisaoi lajak phabo COVID-19 paiakho hinwi khwnanai rokno masano. Bokno sakmang gamni lam phununai motha bai slamjakjak raida rokni kokno saoi makhwnarwnai. F Reduni bisingtwi hudani borokno phran matisano, khwnatok khwnatok rwchapmwng khwnarwoi khwnanai rokni kha hing makhlaino. Imwtwi chaya jorao gam gam madwi rutuwi saoi khwnarwoi wanama wansokmano brai khlaioi plokrwmanai obono se manailainai. F Madwi Khundwini ra klaiyatwi border khajaktwi, hatiroktwi, borokrwkanai malkhungtwi huda bisingo madwi khundwi ma-swlai lainai. F Langmano hayungbai ma krwngrwnai, imtwi chaya jorao chaoi tongnani, phainai jorao thangwi tongni bagwi chini yago tongnai jabwi jabwini mwi- thai rokno kwbangma makhwlainai. Nokni borokno lagwi gera gera mwibari makhlainai. Chini jabwi jabwini mwi bwchlwino makainai. F Jeswk hamya chaya jora saphailangphwng, machaya manungya onglangphwng kaisa bai kaisa chubalainai, baksa samwng tanglainai kokno swkang bwkha malarwknai. F Sakmang gam larwgni bagwi slamjak raida rokno gam khlaiwi palaidi hinwi borokno mahayoknai. Hamya chaya kwpharwnai, nangrwnai madwirokni langcha matongnai. Hamya chaya sabranai hai nangya phabo rangbo mator in bisingo kwlaio. F Sakmang rakronai jaiti chathai mandwi rok chanaino lagwi, chini ayungachurok pri-pri jemtwi khlai songwi chagwi kwbangma langma manjak obotwi khaioi songnaino lagwi program makhlainai. Cultural Survival Indigenous Rights Radio website daio COVID-19 no laoi kothe kothe adibasi kokbai nangnai madwirok mathogo. Link : https://rights.culturalsurvival.org/radio-spots-search/field_radio_series/COVID-19 -85/ language/en/language/und Chorok borok paitoknai jaiti sitai mandwi rokni khor World Health Organization https://www.who.int/es COVID-19 no lagwi sangbadik rokni bagwi hinwi slamjak page rok International Journalists' Network https://ijnet.org/en Global Investigative Journalism Network https://gijn.org/gijn-en-espanol/ Cultural Survival 2067 Massachusetts Avenue Cambridge, MA 02140 (617) 441-5400 www.culturalsurvival.org KOBOROK Indigenous Language Bangladesh Coordination : Dev Kumar Sunuwar Translation : Joy Tripura Layout : Laxman SunuwarAdobe PDF Library 10.0.1 Adobe InDesign CS6 (Windows)